Tuesday, December 9, 2025

தினம் ஒரு ஆலயம் - அதிசயம் 4. இராமநாதசுவாமி கோயில் – இராமநாதபுரம்


 

4.   இராமநாதசுவாமி கோயில் – இராமநாதபுரம்

 

இராமேசுவரம் இராமநாதசுவாமி திருக்கோயில்  தேவாரப் பாடல் பெற்ற தலங்களில் பாண்டிய நாட்டுத் தலங்களில் ஒன்றாகும்.

 

இராமேஸ்வரம் இராமநாதசுவாமி கோவில் ஒரு சிவன் கோவில். சம்பந்தர், அப்பர ஆகியோரின் பாடல் பெற்றது இத்தலம் .

 

இந்தியாவில் உள்ள 12 ஜோதிர்லிங்கத தலங்களுள் தமிழகத்தில் உள்ள ஒன்றே ஒன்றாகக் இராமேஸ்வரம் கருதப்படுகிறது.

 

இராமபிரான் சீதையுடன் புஷ்பவிமானத்தில் இலங்கையிலிருந்து அயோத்திக்குச் செல்லும் போது இராவணனைக் கொன்ற பாவம் தீர  சீதை மணலால் செய்த ராமலிங்கர் (மூலவர்) மற்றும் கைலாசத்தில் இருந்து அனுமன் கொண்டுவந்த விசுவலிங்கத்தை (காசிவிஸ்வநாதர் சன்னிதியில் உள்ளது) பிரதிஷ்டை செய்து வழிபட்டார்  என்று இராமாயணம், சிவபுராணம், பத்மபுராணம், முதலியவற்றில் கூறப்பட்டிருக்கிறது.

 

எவ்வாராயினும் இராமர் சுமார் 7000 ஆண்டுகளுக்கு முன்னர் இந்த லிங்கத்தைப் பிரதிஷ்டை செய்தார் என்பதில் கருத்து வேற்றுமை இல்லை.

 

இலங்கைக்குச் செல்ல இராமபிரான் பாலம் கட்டிய இடம் சேது பந்தனம் (பவளப்பாறைகள் நிறைந்த இடம்).

 

கிடைத்த தகவல்படி கோயிலில் தற்போதைய கற்பகிரகம் கி.பி.1173ல் இலங்கையை சேர்ந்த பராக்கிரம பரகு என்பவர் கட்டியதாக அறியப்படுகிறது. பின்னர் பல பாண்டிய மன்னர்கள் மற்றும் சேது மன்னர்களால் விரிவுபடுத்தப்பட்டு இன்றைய நிலையில் உள்ளது.

 

கர்ப்பகிரகத்தில உள்ள ஆதிசங்கரர் பிரதிசுடை செய்த ஸ்படிக இலிங்கத்திற்கு நாள் தோறும் காலை 5 மணி முதல் ஆறு மணி வரை பாலாபிசேகம் செய்யப்படுகிறது.

 

இங்கு கோயில் கொண்டுள்ள அம்மன் பெயர் பர்வத வர்தனி அம்மன். பர்வதவர்த்தினி அம்பிகை பீடத்திற்கு கீழே ஆதிசங்கரர் நிறுவிய ஸ்ரீசக்கரம் உள்ளது.

 

சக்தி பீடங்களில் இத்தலம், சேதுபீடம் ஆகும்

.

இது பதஞ்சலி முனிவர் முக்தியடைந்த தலம்

 

அதிசயம் 1:

சுற்றிலும் நீர் இருக்கும் கடலின் நடுவே மலையே இல்லாத இந்த தீவில் இவ்வளவு பிரமாண்டமான கற்களால் ஆன இவ்வளவு பெரிய கோயில் எப்படி கட்டப்பட்டது? எங்கிருந்து இதற்கான இவ்வளவு கற்கள் எப்படி கொண்டுவரப்பட்டதுன்ன்னு யோசித்தால் இதன் அதிசயம் ஆச்சரியம் தமிழரின் சாதனை புரியும்.

 

அதிசயம் 2:

 

அங்கே இராமபிரான் தன் பக்தர்களின் தாகம் தீர்க்க வில்லினால் தோண்டிய தீர்த்தம்  தனுஷ்கோடி கடலுக்கு நடுவே அமைந்த வில்லுண்டி தீர்த்தமாகும் (கடலின் நடுவே அமைந்த நன்னீர் கிணறு) .சேது ஸ்நானம் செய்பவர்கள் இங்குதான் செய்தல் வேண்டும்.

 

 

அதிசயம் 3: ( இராமநாதபுரம் மன்னர் முத்து விஜயரகுநாத சேதுபதியால் ஆரம்பிக்கப்பட்டு முத்துராமலிங்க சேதுபதி தமிழரால் கட்டி முடிக்கப்பட்டது)

 

உலகிலேயே நீளமான பிரகாரங்கள் கொண்டுள்ள இக்கோயிலின், கிழக்கு மற்றும் மேற்கு வெளிப் பிரகாரங்களின் நீளம் தனித்தனியே 400 அடிகள், வடக்கு மற்றும் தெற்கு வெளிப்பிரகாரங்களின் நீளம் தனித்தனியே 640 அடிகள் ஆகும். கிழக்கு, தெற்கு உட்பிரகாரங்களின் நீளம் முறையே 224 அடிகள் மற்றும் வடக்கு, தெற்கு உட்பிரகாரங்களின் நீளம் முறையே 352 அடிகளாலும். மொத்த பிரகாரங்களின் நீளம் 3850 அடி ஆகும். வெளிப்பிரகாரங்களில் மட்டும் 1212 கல்தூண்கள் அழகிய சிற்ப வேலைப்பாட்டுடன் உள்ளன..

 

அதிசயம் 4: (உப்பு நீர் கடலின் மிக அருகே 22 விதமான நன்னீர் ஊற்று 22 விதமான சுவையுடன் இருப்பது தமிழர் கண்டுபிடிப்பு)

 

இராமேஸ்வரம் திருக்கோயிலின் பிரகாரத்தில் உள்ள 22 தீர்த்தங்களும் அவற்றின் மகிமையும்

 

1.மஹாலெட்சுமி தீர்த்தம்: அனுமார் கோவிலுக்கு தெற்குப் புறம் உள்ளது தர்மராஜன் ஸ்நானம் செய்து ஐஸ்வரியம் பெற்றது 

 

2.சாவித்திரி தீர்த்தம்: அனுமார் கோவிலுக்கு மேல் புறம் உள்ளது காசிபர் மகாராஜா சாபம் நீங்கியது 

 

3.காயத்திரி தீர்த்தம்: அனுமார் கோவிலுக்கு மேல் புறம் உள்ளது காசிபர் மகாராஜா சாபம் நீங்கியது 

 

4.சரசுவதி தீர்த்தம்: அனுமார் கோவிலுக்கு மேல் புறம் உள்ளது காசிபர் மகாராஜா சாபம் நீங்கியது 

 

5.சேதுமாதவ தீர்த்தம்: மூன்றாம் பிரகாரத்தில் உள்ள தெப்பக்குளம் லெக்ஷ்மி விலாசமும், சித்த சுத்தியும் பெறுவர் 

 

6.கந்தமாதன தீர்த்தம்: சேதுமாதவர் கோயில் பகுதியில் உள்ளது மகா தரித்திரம் நீங்கி சகல ஐஸ்வரியமும் பெற்று பிரம்மஹத்தியாதி பாபநிவர்த்தி பெறுவர் 

 

7.கவாட்ச தீர்த்தம்: சேதுமாதவர் கோயில் பகுதியில் உள்ளது நரகத்திற்குப் போகமாட்டார்கள் 

 

8.கவாய தீர்த்தம்: சேதுமாதவர் கோயில் பகுதியில் உள்ளது கற்பக விருச்ச வாசம் 

 

9.நள தீர்த்தம்: சேதுமாதவர் கோயில் பகுதியில் உள்ளது சூர்ய தேஜஸை அடைந்து சொர்க்கலோக பதவி அடைவர் 

 

10.நீல தீர்த்தம்: சேதுமாதவர் கோயில் பகுதியில் உள்ளது சமஸ்த யாக பலனையும் அடைந்து அக்னி யோக பதவியை அடைவார்கள் 

 

11.சங்கு தீர்த்தம்: கோவில் உட்பிரகாரத்தில் உள்ளது வத்ஸ் நாப முனிவர் செய் நன்றி மறந்த பாவம் நீங்கியது 

 

12.சக்கர தீர்த்தம்: கோவில் உட்பிரகாரத்தில் உள்ளது சூரியன் பொன் கை பெற்றது 

 

13.பிரம்மஹத்தி விமோசன தீர்த்தம்: கோவில் உட்பிரகாரத்தில் உள்ளது பிரம்மஹத்தியாதி பாவங்கள் நிவர்த்தி 

 

14.சூரிய தீர்த்தம்: கோவில் உட்பிரகாரத்தில் உள்ளது திரிகால ஞானமும் அந்தந்த உலகப் பிராப்தியும் உண்டாகும் 

 

15.சந்திர தீர்த்தம்: கோவில் உட்பிரகாரத்தில் உள்ளது திரிகால ஞானமும் அந்தந்த உலகப் பிராப்தியும் உண்டாகும் 

 

16.கங்கா தீர்த்தம்: கோவில் உட்பிரகாரத்தில் உள்ளது ஞானசுருதி ராஜன் ஞானம் பெற்றது 

 

17.யமுனா தீர்த்தம்: கோவில் உட்பிரகாரத்தில் உள்ளது ஞானசுருதி ராஜன் ஞானம் பெற்றது 

 

18.கயா தீர்த்தம்: கோவில் உட்பிரகாரத்தில் உள்ளது ஞானசுருதி ராஜன் ஞானம் பெற்றது 

 

19.சிவ தீர்த்தம்: கோவிலுக்குள் நந்தி தேவருக்கு தென்புறம் உள்ளது பைரவர்பிரம்ம ஹத்தி நிவர்த்தியானது 

 

20.சாத்யமிர்த தீர்த்தம்: அம்மன் சன்னதியில் உள்ளது புருரூனு சக்கரவர்த் திக்கு சாபம் நீங்கியது 

 

21.சர்வ தீர்த்தம்: ஸ்ரீ இராமநாத சுவாமி சன்னதிக்கு முன்னால் சுதரிசனர் பிறவிக் குருடும், நோயும் நரை திரையும் பலமற்ற சரீரமும் நீங்கி வளமடைந்தது. 

 

22.கோடி தீர்த்தம்: கோவில் முதல் பிரகாரத்தில் உள்ளது ஸ்ரீ கிருஷ்ண பகவான் மாமனாகிய கம்ஸனைகொன்ற பாவம் நீங்கியது.

 

அதிசயம் 5:

உலகில் அனைத்து கடற்கரையிலும் அலை ஆக்ரோஷமாக அடிக்கும். ஆனால் இராமேஸ்வரம் கோயில் வாசலில் உள்ள அக்னி தீர்த்த கடல் பகுதியில் மட்டும் அலையே அடிப்பதில்லை. ஆற்று நீர் போலவே இருக்கும்.

 

ஒரு முறை நீங்களும் வந்து பாருங்களேன் சுவாமி இராமநாதரையும் அதிசயங்களையும்.

 

நாளை வேறொரு கோயில் அதிசயத்துடன் சந்திக்கும்வரை சிந்தித்திருப்போம்.

 

ஓம் நமசிவாய…

 

சுந்தர்ஜி

தமிழன் திமிரானவன்


 

தினம் ஒரு ஆலயம் - அதிசயம் 3. சோம்நாதர் கோயில் - குஜராத்

 

3.   சோம்நாதர் கோயில் - குஜராத்

 

இத்தலம் கிர்சோம்நாத் (ஜுனாகட்) மாவட்டத்தில் உள்ள பிரபாசபட்டினம் வெராவல் கடற்கரை அருகே அமைந்துள்ளது.

 

சிவனின் 12 ஜோதிர்லிங்கத் தலங்களில் முதன்மையானது.

 

சோமன் என்றால் சந்திரன்.

 

சந்திரன் இரண்யா நதி,  கபில நதி, சரஸ்வதி நதி மூன்றும் சங்கமிக்கும் திரிவேணி சங்கமிக்கும் பிரபாச தீர்த்தம் அருகில் சிவன் கொடுத்த ஜோதிர்லிங்கத்தை பிரதிஷ்டை செய்து வழிபட்டத்தால் இது சோமநாதர் என்று பெயர் பெற்றது.

 

இந்த இடத்தில் சந்திரனின் ஒளி மிகபிரகாசமாக வீசும்.

 

பலராமன் அவதாரம் முடிந்து பாம்பாக மாறி புற்றில் மறைந்த இடமும் இதுதான்.

 

கிருஷ்ணன் அவதார நிறைவில் வேடன் அம்பு பட்டு உயிர் நீத்த இடமும் இதுதான்.

 

ஆதிசங்கரர் ஸ்தாபித்த சாரதா பீடமும் இங்குதான் உள்ளது

 

இக்கோயில் ஏழு முறை முகலாயர்களால் கொள்ளை அடிக்கப்பட்டு தரமட்டமாக்கப்பட்டும் மிண்டும் மீண்டும் எழுப்பட்ட வரலாறு கொண்டது சோமநாதரர் கோயில் மட்டுமே.

 

ஆதி கோயிலில் மூலஸ்தானத்தில் சிவலிங்கம் எந்த பிடிமானமும் இல்லாமல் அந்தரத்தில் தொங்கும்படியும் அதன் கீழே பிரகாசமாக ஒளி இயற்கையிலேயே ஏற்படும்படியும் அமைக்கபபட்டிருந்தது.

 

கோயில் முழுவதும் தங்கத்தால் கட்டப்பட்டிருந்தது.

 

கஜினியும் அவர் படைகளும் எவ்வளவோ முயன்றும் சிவலிங்கம் எப்படி அந்தரத்தில் தொங்குகிறது என்று அறிய முடியவில்லை.

 

கடைசியில் கோயிலில் மேற்கூறை பாறையை இடித்து அகற்றும்போதுதான் அந்தரத்தில் இருந்த சிவலிங்கம் அசைந்தது.

 

மேற்கூறை முழுவதும் இடித்து அகற்றிய பின்னரே சிவலிங்கம் தரையில் விழுந்தது,

 

முழுவதும் ஒருவித காந்த சக்தியை தரைக்கும் மேற்கூரைக்கும் இடையில் உருவாக்கி சிவலிங்கத்தை அந்தரத்தில் மிதக்கும்படி கட்டிடகலையில் அன்று வல்லுனராக இருந்தனர் நம் முன்னோர்கள். (ஆதாரம்: மதன் எழுதிய வந்தார்கள் வென்றார்கள்)

 

ஆனால் இன்று இதை அறியாத இங்கிருக்கும் பதர்கள் கிறுத்துவ வெள்ளைகாரன் வந்துதான் நமக்கு எல்லாம் சொல்லிக்கொடுத்தான் என்று எள்ளி நடையாடுவதை நினைத்தால் சிரிப்புதான் வருகிறது.

 

இந்துக்கள் புனிதமாக முதன்மையாக கருதும் இடத்தில் சோமநாதர் ஆலயம் முக்கிய இடம் பெறும்.

 

நாளை வேறொரு கோயில் அதிசயத்துடன் சந்திக்கும்வரை சிந்தித்திருப்போம்.

 

ஓம் நமசிவாய…

 

சுந்தர்ஜி

தமிழன் திமிரானவன்


 

தினம் ஒரு ஆலயம் - அதிசயம் 2. காசி விஸ்வநாதர் ஆலயம் – வாரணாசி

 

2.   காசி விஸ்வநாதர் ஆலயம் – வாரணாசி

காசி விஸ்வநாதர் புராண காலத்துக்கு முன்னரே இருந்தது என்பதற்கு பல புராண இதிகாசங்களில் இக்கோயில் பற்றிய தகவல்கள் அனேக இடங்களில் இருக்கிறது.

புரணாங்கள்படி ஸ்தல வரலாற்றுப்படி பெருமாள் சக்தியும் சிவனும் சேர்ந்த இந்த ஜோதிர்லிங்கத்தை பிரதிஷ்டை செய்து பூஜித்துவந்தார்.

பிரம்மன் சனி எமன் இங்கு தவம் செய்து வரம் பெற்றதும் உண்டு.

சப்த ரிஷிங்கள் இங்கு தவம் செய்து விஸ்வேஸ்வரனை பூஜித்து நட்சத்திர அந்தஸ்து பெற்றது உண்டு. அதைத்தொடர்ந்தே இன்று வரை இக்கோயிலில் சப்தரிஷி பூஜை தினமும் நடைமுறையில் இருப்பதை காணலாம்.

கிடைத்த தகவலின்படி சற்றேற குறைய 2500 ஆண்டுகளுக்கு முன்னர் மாமன்னன் விக்கிரமாதித்யன் விஸ்வேஷ்வரா கோயில் என்ற பெயரில் காசியில் பெருமாள் பிரிதிஷ்டை செய்த இந்த மரகதலிங்கமான ஜோதிர்லிங்கத்திற்கு கோயில் கட்டினார்.

இதை முதலில் கொள்ளை அடிக்க வந்த முகலாயர் குத்புதீன் ஐபெக் 1194 இடித்து தரைமட்டமாக்கி செல்வங்களை கொள்ளை அடித்து சென்றார்.

குஜராத் வியாபாரிகள் சேர்ந்து மீண்டும் எழுப்பிய கோயிலை 1230ல் முகமது கோரி கோயில் சொத்துக்களை கொள்ளை அடித்து விட்டு இடித்து தள்ளிவிட்டார்.

மீண்டும் சிவபக்தர்களால் கட்டப்பட்டகாசி விஸ்வநாதர் கோயிலை1435ல் ஜான்பூர் சுல்தான் ஷர்க்குவி கொள்ளை அடித்து இடித்து தள்ளினார்.

மீண்டும் எழுப்பபட்ட கோயிலை 1447ல் சிக்கந்தர் லோடி கொள்ளைஅடித்துவிட்டு முழுவதும் இடித்து தள்ளினார்.

மீண்டும் காசி விஸ்வநாதர் கோயில்1550-1585ம் ஆண்டுகளில்  ரகுநாத பண்டிட் மற்றும் ராஜா தோடர்மால் அவர்களால் நிர்மானிக்கப்பட்டது.

கடைசியாக 1669ல் ஒளரங்கசீப் கோயிலை கொள்ளை அடித்துவிட்டு அதன்மீது ஞானவாபி மசூதி எழுப்பிவிட்டார். அருகில் இருந்த ஞானவாபி தீர்த்தையும் மசூதி வளாகமாக்கி மறைத்துவிட்டார்.

மிண்டும்1780ல் இந்தூர் மகாராணி பேரரசி அகல்யாய் ஹோல்கர் ஞானவாபி மசூதியை ஒட்டி முன்பு இருந்த காசிவிஸ்வநாதர் ஆலயத்தின் எஞ்சிய பகுதியுடன் இணைத்து புதிதாக இப்போது இருக்கும் ஆலயத்தை நிர்மானித்தார்.

இந்த திருத்தலத்தின் அருகில் ஓடும் கங்கை நதியின் மணிகர்னிகா படித்துறையில் குளித்து முடித்து காசி விஸ்வநாதரை தரிசித்தால் சகல பாவங்களும் தீர்ந்து மோட்சம் கிட்டும் என்று இந்துக்களால் நம்பப்படுகிறது.

இந்த ஊரின் சிறப்பே இந்த தலத்தின் சிறப்பை சொல்லும்..

இந்த காசியில் ஐந்து அதிசயம் இன்று இருக்கிறது. இங்கு பல்லி சப்தம் இடாது, பசு யாரையும் முட்டாது. இங்கு விளையும் பூக்கள் மணக்கது. காக்கைகள் கிடையாது பருந்துகள் வட்டமிடாது. இங்கு எரிக்கப்படும் பிணங்கள் நாற்றம் அடிக்காது.

கங்கையில் பிணங்கள் எரித்தாலும் எவ்வளவு அசுத்தங்கள் செய்தாலும் அந்த நீர் தன்னைத்தானே சுத்திகரித்துக்கொள்வதால் எப்போதும் நன்னீராகவே இருக்கும் புழு பூச்சிகள் வராது. அதனாலேயே அது புனித நதி அஸ்தஸ்து பெறுகிறது.

இதனாலயே இந்துக்கள் காசிக்கு வந்தாலே அறிந்தும் அறியாமல் செய்த பாவங்கள் தீரும் மோட்சம் கிடையும் என்று தங்கள் இறுதிக்காலத்தில் காசிக்கு வந்து செல்வதையோ காசியில் இறப்பதையோ விரும்புகிறார்கள்.

காசியில் இருந்தே இராமர் சிவலிங்கத்தை எடுத்து சென்று இராமேஸ்வரத்தில் வைத்து பூஜை செய்ததால்… காசி யாத்திரை செல்பவர்கள் இராமேஸ்வரம் வந்து  வழிப்பட்டே யாத்திரையை பூர்த்தி செய்கிறார்கள்.

நாளை வேறொரு கோயில் அதிசயத்துடன் சந்திக்கும்வரை சிந்தித்திருப்போம்.

ஓம் நமசிவாய…

சுந்தர்ஜி

தமிழன் திமிரானவன்


 

தினம் ஒரு ஆலயம் – அதிசயம் 1. கைலாய மலை – மானசரோவர் ஏரி – அமர்நாத் பனிலிங்கம்

 

தினம் ஒரு ஆலயம் – அதிசயம்

உலகின் முதல் மனிதன் தமிழன். உலகின் முதல் மொழி தமிழ். உலகின் முதல் இலக்கண நூல் தொல்காப்பியம். உலகின் முதல் அணை கல்லணை. உலகின் முதல் கப்பல் படை இராஜேந்திர சோழன் வைத்திருந்தான். உலகின் மிகப்பெரிய வழிபாட்டுதளம் அங்கோர்வாட் கோயில் சோழன் கட்டியது. உலகின் முதல் வான சாஸ்திரம் பஞ்சாங்கம் தமிழன் கண்டுபிடித்தது. உலகின் முதல் மருத்துவம் சித்த மருத்துவம் தமிழன் கண்டுபிடித்தது. உலகின் முதல் வாழ்வியல் முறை நூல் திருவள்ளுவர் எழுதிய திருக்குறள். தமிழன் எழுதியது. இதுபோல் ஆயிரம் ஆண்டுகளுக்கு முன்னர் வரை அனைத்தையும் கண்டுபிடித்து உலகிற்கு கொடையாக கொடுத்த தமிழன் திமிரானவன்.

 

உலகின் தென் பகுதியில் அதாவது தெற்கு ஆசியாவின் கீழே இமயமலையில் இருந்து குமரிகண்டம் வரைக்கும் உள்ள பகுதி முழுவதும் எங்கும் உலகின் ஒரே கடவுள் சிவனுக்கு (கடவுள் வேறு அவதாரம் வேறு. கடவுள் பிறப்பு இறப்பு அற்றவர். சிவன் யாரையும் வணங்காதவர். அவதாரம் இராமர், கிருஷ்ணர், முருகன் விநாயகர் மற்ற எல்லோரும் – ஆதாரம்: லிங்க புராணம்) கோயில் அமைத்து ஒவ்வொரு கோயிலிலும் ஒவ்வொரு அதிசயத்தை ஒளித்து வைத்த தமிழன் கட்டிடகலையின் பீஷ்ம பிதாமகன்.

 

அதனால்தான் தென்னாடுடைய சிவனே போற்றி என்னாட்டவருக்கும் இறைவா போற்றி என்று மாணிக்க வாசகர் திருவாசகத்தில் சொல்கிறார்.

 

அந்த அதிசயத்தை கட்டிடகலை சிறப்பை ஒவ்வொன்றாக இந்த பக்கத்தில் ஒவ்வொரு நாளும் பார்ப்போம்.

 

(இது நான் 10 ஆண்டுகளாக நான் எழுத நினைத்து காத்திருந்த கட்டுரைகள். இப்போதுதான் சூழ்நிலையும் மனமும் உடலும் ஒத்திசைத்து எழுதவைக்கிறான் சிவன்.)

 

1.   கைலாய மலை – மானசரோவர் ஏரி – அமர்நாத் பனிலிங்கம்

வேற்றாகி விண்ணாகி நின்றாய் போற்றி                                                    ஊற்றாகி உள்ளே ஒளிந்தாய் போற்றி!

ஆற்றாகி அங்கே அமர்ந்தாய் போற்றி                                                          ஆறங்கம் நால்வேதம் ஆனாய் போற்றி!

காற்றாகி எங்கும் கலந்தாய் போற்றி                                                            கயிலை மலையானே போற்றி போற்றி!

உலகின் உயர்ந்த இமய மலையில் இருக்கும் கைலாய மலை சிவபெருமான் மற்றும் பார்வதி தேவியின் வசிப்பிடமாக நம்பப்படுகிறது. அவர்கள் தியானம் செய்யும் இடம் இது.

கைலாய மலையை தரிசனம் செய்வதன் மூலம் 21 தலைமுறைகள் முக்தி அடையும் என்பது ஒரு நம்பிக்கையாகும்..

 

இதுவரை கைலாய மலை மேல் யாருக்கும் ஏற அனுமதி இல்லை. அனுமதி கிடைத்தும் யாரும் இதுவரை ஏறியதில்லை.

 

காரணம் மலையையே சிவனாக பார்ப்பதால்தான். அருகில் உள்ள மானசரோவர் ஏரிக்குச் சென்று, கைலாய மலையை சுற்றி வருவது மட்டுமே வழக்கமாகும்.

 

வசிஷ்டர், மரீசி போன்ற முனிவர்கள் சிவபெருமானின் வழிபாட்டிற்காக ஒரு நீர்நிலையை வேண்டினர். அதற்கு, பிரம்மா தனது மனதிலிருந்து இந்த ஏரியை உருவாக்கினார். அதனால்தான் இதற்கு 'மானசரோவர்' எனப் பெயரிடப்பட்டது.

 

இந்துப் புராணங்களின்படி, மானசரோவர் ஏரி 51 சக்தி பீடங்களில் ஒன்றாகவும் கருதப்படுகிறது,

 

மானசரோவர், கைலாஷ் மலைக்கு அருகில் அமைந்துள்ள உலகின் மிக உயரமான நன்னீர் ஏரியாகும்..

 

அமர்நாத் பனிலிங்கம் என்பது ஜம்மு காஷ்மீரில் உள்ள அமர்நாத் குகைக் கோயிலில் இயற்கையாக உருவாகும் பனியால் ஆன சிவலிங்கமாகும்.

 

இது சிவபெருமானுக்கு அர்ப்பணிக்கப்பட்ட ஒரு புனித தலமாகும்

 

இந்தக் குகையில், நீர்ப்பனிக்கட்டியால் ஆன ஒரு லிங்கம் இயற்கையாக உருவாகிறது.

 

இது ஒவ்வொரு ஆண்டும் மே – ஆகஸ்ட் மாத காலங்களில்  மட்டுமே உருவாகும்.

 

 இங்குள்ள குகை மற்றும் சிவலிங்கம் இரண்டும் இயற்கையாகவே உருவாகின்றன.

 

அமர்நாத் குகைக்குள், பனித்துளிகள் உறைந்து ஒரு சிவலிங்கமாக உருவாகிறது. லிடர் பள்ளத்தாக்கில் உள்ள பனிப்பாறைகள் உருகி, நீராக குகைக்குள் வருவதால் இந்த பனிலிங்கம் இயற்கையாக உருவாகிறது..

 

தேவாரம், திருவருட்பா முதல் அனேக தமிழ் இலக்கிய பாடல்களில் கைலாயமலை, சிவன் பற்றிய குறிப்புகள் உண்டு.

 

நாளை வேறொரு கோயில் அதிசயத்துடன் சந்திக்கும்வரை சிந்தித்திருப்போம்.

 

ஓம் நமசிவாய…

சுந்தர்ஜி

தமிழன் திமிரானவன்